કેરળના FarmersFZ સ્ટાર્ટ-અપને UN ના એક્સિલરેટર પ્રોગ્રામ માટે પસંદગી

કેરળના FarmersFZ સ્ટાર્ટ-અપને UN ના એક્સિલરેટર પ્રોગ્રામ માટે પસંદગી

• ફાર્મર્સ ફ્રેશ ઝોન (FarmersFZ), કેરળ સ્થિત સ્ટાર્ટઅપ, યુનાઈટેડ નેશન્સ ‘એક્સીલેટર પ્રોગ્રામ’ માટે પસંદ કરવામાં આવ્યું છે. આ કાર્યક્રમનું આયોજન UNના ફૂડ એન્ડ એગ્રીકલ્ચર ઓર્ગેનાઈઝેશન (FAO) દ્વારા કરવામાં આવ્યું છે, જેનો હેતુ વિશ્વભરમાં એગ્રી-ફૂડ સ્ટાર્ટઅપ્સને ટેકો આપવા અને વિકાસ કરવાનો છે. કેરળ સ્ટાર્ટઅપ મિશન (KSUM) એ કેરળ રાજ્યમાં ઉદ્યોગસાહસિક પ્રવૃત્તિઓ માટે નોડલ એજન્સી તરીકે સેવા આપે છે.

ફૂડ એન્ડ એગ્રીકલ્ચર ઓર્ગેનાઈઝેશન (FAO)

• યુનાઈટેડ નેશન્સનું ફૂડ એન્ડ એગ્રીકલ્ચર ઓર્ગેનાઈઝેશન (FAO) એ સંયુક્ત રાષ્ટ્રની વિશિષ્ટ એજન્સી છે જે ભૂખને હરાવવા અને પોષણ અને ખાદ્ય સુરક્ષામાં સુધારો કરવા માટેના આંતરરાષ્ટ્રીય પ્રયત્નોનું નેતૃત્વ કરે છે. તેનું સૂત્ર છે “let there be bread” તથા તેની સ્થાપના 16 ઓક્ટોબર 1945માં થઈ હતી.
• FAO : 194 સભ્ય રાષ્ટ્રો, બે સહયોગી સભ્યો અને એક સભ્ય સંસ્થા, યુરોપિયન યુનિયન. તેનું મુખ્ય મથક રોમ, ઇટાલીમાં છે અને સમગ્ર વિશ્વમાં પ્રાદેશિક અને ક્ષેત્રીય કચેરીઓ જાળવી રાખે છે. 1945માં FAOની સ્થાપનાની વર્ષગાંઠ નિમિત્તે દર વર્ષે 16મી ઓક્ટોબરે વિશ્વ ખાદ્ય દિવસની ઉજવણી કરવામાં આવે છે. FAOએ 1948માં ભારતમાં તેની કામગીરી શરૂ કરી હતી. ભારતમાં FAO માટે નોડલ મંત્રાલય એ કૃષિ મંત્રાલય છે.