UPI લાઈટ યુઝર્સ માટે ટ્રાન્ઝેક્શન મર્યાદા 200 રૂપિયાથી વધારી 500 રૂપિયા

રિઝર્વ બેન્ક દ્વારા UPI લાઈટ યુઝર્સ માટે ટ્રાન્ઝેક્શન (Transaction) મર્યાદા 200 રૂપિયાથી વધારી 500 રૂપિયા કરવામાં આવી છે. UPI લાઈટ સપ્ટેમ્બર 2022માં નેશનલ કોર્પોરેશન ઓફ ઈન્ડિયા (NPCI) અને રિઝર્વ બેન્ક દ્વારા રજૂ કરવામાં આવી હતી. આ UPI પેમેન્ટ સિસ્ટમનું સરળ માળખું છે.
UPI લાઇટ એ એક ઓન-ડિવાઈસ વૉલેટ સુવિધા છે જે વપરાશકર્તાઓને UPI પિનનો ઉપયોગ કર્યા વિના વાસ્તવિક સમયમાં નાની કિંમતની ચુકવણી કરવાની મંજૂરી આપે છે. ઓન-ડિવાઈસ વોલેટ માટે UPI લાઇટ બેલેન્સની કુલ મર્યાદા કોઈપણ સમયે રૂ.2,000 રહેશે. UPI લાઇટ દ્વારા નિઅર-ફીલ્ડ ટેક્નોલોજીનો ઉપયોગ કરીને UPIમાં ઑફલાઇન ચુકવણી શરૂ કરવામાં આવશે.