INS વાગીરે સૌથી લાંબી સ્કોર્પિન સબમરીનની તૈનાતીનો રેકોર્ડ બનાવ્યો

INS વાગીરે સૌથી લાંબી સ્કોર્પિન સબમરીનની તૈનાતીનો રેકોર્ડ બનાવ્યો

  • ભારતની સ્કોર્પિન ક્લાસ સબમરીન INS વાગીરે ઓસ્ટ્રેલિયા પહોંચવા માટે લગભગ 7,000 કિમીનું નોંધપાત્ર અંતર કાપીને સફળતાપૂર્વક તેની અત્યાર સુધીની સૌથી લાંબી તૈનાતી પૂર્ણ કરી છે. જૂન 2023માં શરૂ થનારી આ તૈનાતી ભારતીય નૌકાદળ માટે નોંધપાત્ર સિદ્ધિ છે.
  • INS વાગીર શ્રીલંકામાં એક પોર્ટ કોલ સિવાય, કોઈપણ વિક્ષેપ વિના કાર્યરત છે. સબમરીન તેની ઓપરેશનલ સ્થિતિ જાળવી રાખીને તેની બેટરીને રિચાર્જ કરવા માટે દર 3-4 દિવસે ફરી સપાટી પર આવે છે.

INS વાગીર

  • 23 જાન્યુઆરી 2023ના રોજ કલવરી શ્રેણીની પાંચમી સબમરીન વાગીરને ભારતીય નૌસેનામાં સામેલ કરવામાં આવી હતી. ભારતમાં તેનું નિર્માણ મઝગાંવ ડોક શિપબિલ્ડર્સ લિમિટેડ મુંબઈ દ્વારા મૈસર્સ નેવલ ગ્રુપ, ફ્રાન્સના સહયોગથી કરવામાં આવ્યું છે. પ્રોજેક્ટ P-75 હેઠળ નિર્માણ કરાયું છે.
  • કલવરી ક્લાસની સબમરીન હેઠળ બનાવવામાં આવનાર આ પાંચમી સબમરીન છે.
  • INS વાગીર એક ડીઝલ-ઈલેક્ટ્રિક સબમરીન છે. તેમાં આધુનિક નેવિગેશન, ટ્રેકિંગ જેવી સુવિધા સાથે બારુદી સુરંગ પાથરી શકે છે. તેને એ રીતે ડિઝાઈન કરવામાં આવી છે કે તે દરેક પરિસ્થિતિમાં કોઈપણ મિશનને અંજામ આપી શકે છે.
  • INS વાગીર સબમરીન ચાર MTU 12V 396 SE84 ડીઝલ એન્જિન દ્વારા સંચાલિત છે. DRDO દ્વારા બનાવવામાં આવેલ PAFC ફ્યુઅલ સેલ પણ લગાવવામાં આવ્યો છે. જેના કારણે જ તે અવાજ વગર દુશ્મન પર તેજ ગતિએ વાર કરી શકે છે.
  • નવી INS વાગીર પહેલા, ભારત પાસે વર્ષ 1973માં આ જ નામની સબમરીન હતી. તેમણે વર્ષ 2001 સુધી ભારતીય નૌકાદળમાં કામ કર્યું હતું અને ખરા અર્થમાં તેનું નામ સેન્ડફિશની એક પ્રજાતિના નામ પરથી રાખવામાં આવ્યું છે.

Leave a Comment

TOPICS : ,

Share this post